Është ngritur grupi i punës për jetësimin e iniciativës

Grupi i punës, mbledhjen e tij të parë do ta mbajë në janar të vitit të ardhshëm.

Grupi i punës, i ngarkuar me jetësimin e iniciativës për dëbimin e të huajve me dosje krimi, siç njofton drs.ch, më në fund, është ngritur.

Siç ka bërë të ditur Departamenti për çështje juridike dhe të policisë, anëtarët e grupit nuk i nënshtrohen ndonjë detyrimi për heshtje rreth punës së realizuar. Ata kanë të drejtë të këmbejnë informacione me palë të treta dhe kanë po ashtu të drejtë që të informojnë, së paku pjesërisht, edhe opinionin me punën që bëjnë.

Ministrja e drejtësisë, Simonetta Sommaruga e ka deklaruar me gojë rregulloren e punës, ndërsa SVP, si bartëse e iniciativës, ka kërkuar që për këtë të lëshohet edhe një komunikatë me shkrim. Kjo parti, ndonëse ka dërguar dy anëtarët e saj në grupin  e punës, ende nuk ka zbuluar emrat e tyre.

Grupi i punës, mbledhjen e tij të parë do ta mbajë në janar të vitit të ardhshëm.