Farmacitë zvicerane, të mbingarkuara nga kërkuesit e testit Covid

Keystone

Kërkesa për teste të koronavirusit në barnatore po rritet në vëllime të dyfishta nga ato të përjetuara para festave, sipas Martine Ruggli, presidente e Pharmasuisse, organizata ombrellë e farmacive të Zvicrës, transmeton albinfo.ch.

Kërkesa pritet të rritet më tej këtë javë, pasi njerëzit që nuk kanë marrë ende një injeksion përforcues, por që planifikojnë të festojnë në klube dhe diskoteka në natën e Vitit të Ri, do të duhet të tregojnë një rezultat negativ të testit sipas rregullave të reja 2G-Plus.

Prandaj priten radhë të gjata në farmacitë që nuk kërkojnë takime, kështu që ata që presin të kontrollohen në ditët e ardhshme duhet të jenë të durueshëm, tha Ruggli.