FC Kosova Zurich fiton Kupën e klubeve shqiptare në Zvicër

Foto: FC Kosova Zurich/Fb

FC Kosova Zurich ka fituar Kupën e Unionit të Klubeve Shqiptare të Futbollit në Zvicër, përcjell albinfo.ch.

Kjo garë është mbajtur dje në Winterthur, nën patronazhin e Besa Winterthur. Ekipe pjesëmarrëse në këtë garë ishin FC Besa Winterthur, FC TETOVA BASEL, FC Kosova 19, FC Bashkimi 99, FC Besa SG, KF Dardania SG, FC Kosova Zürich, të cilat garojnë në kategori të ndryshme në futbollin zviceran.

Organizatorët kanë njoftuar se pas fitores ndaj ekipit Dardania SG, Kosova Zurich do ta vazhdojë rrugëtimin në garat e tjera, në kërkim të kupave të tjera.

“Vlen të theksohet se FC Kosova Zürich do të ndeshet me fituesin e KUPËS së Gjermanisë, kurse fituesi i këtij dueli do të udhëtojë në Kosovë, ku do të ndeshet me fituesin e Kupës së Kosovës dhe pastaj më 28 nëntor do të marrë pjesë në Kupën e Pavarësisë në Vlorë”, thuhet në njoftimin e UKSHFZ-së.