Federer mund të ndërrojë sponsorin për 400 milionë dollarë

Roger Federer përfiton 65 milionë dollarë në vit, duke qenë sportisti i shtatë më i paguar në botë

Keystone EPA/SEBASTIEN NOGIER

Pas një përvojë prej 24 vitesh me ‘Nike’, Roger Federer mund të ndërrojë sponsorin. Ai mund të bëhet pjesë e firmës sportive, “Uniklo” që është e gatshme të paguajë tenistin zviceran 39 milionë dollarë në vit, shkruajnë mediat ndërkombëtare.

Marrëveshja do të vlente për dhjetë vitet e ardhshme, derisa tenisti zviceran tani përfiton 12 milionë dollarë në vit nga ‘Nike’, përcjell albinfo.ch.

Por, kjo marrëveshje përfundon këtë vit, megjithatë mund të ndërpritet më shpejt dhe në ‘Wimbledon’, Federer të jetë me sponsorin e ri.

Më parë, kjo kompani ishte sponsor i tenistit serb, Novak Gjokoviq, në kohën kur ishte numër një në botë.

Federer përfiton 65 milionë dollarë në vit, duke qenë sportisti i shtatë më i paguar në botë.