Fehmi Fetahi nderohet me çmimin “Shën Tereza, Shqiptarja e gjithë botës”

Fehmi Fetahi, President i Bordit të Rrjetit të Bizneseve të Diasporës Shqiptare në Zvicër, njëherësh Kryetar Nderi i RrBShZ, afarist dhe humanist i njohur në Zvicër dhe në Kosovë, u nderua me çmimin “Shën Tereza, Shqiptarja e gjithë botës”.

Çmimin z. Fetahi ia dorëzoi Sekretari Shtetëror në Ministrinë e Kulturës në Republikën e Maqedonisë së Veriut me motivacion: Për arritje të shquara në fushën e humanizmit, solidaritetit njerëzor dhe nxitjen e mirëkuptimit, shkruan albinfo.ch.

Fehmi Fetahi është afarist shumë i suksesshëm në Zvicër (Fetaxid AG) dhe në Kosovë (Vali Ranch, Resort & Kongres Center), si dhe humanist i shquar.

Spektakli “Shën Tereza, Shqiptarja e gjithë botës” ka vlerësuar 20 humanistë filantrop të suksesshëm në jetën e tyre të cilët kanë bërë vepra të mëdha humanitare.

“Shën Tereza, Shqiptarja e gjithë botës” vjen për herë të parë në Shkup, mes një bashkëpunimi i “Guga Production” Tv Klan Plus e Klan Macedonia. Ky eveniment ka patur edicionin e tij të parë në muajin Shtator të vitit 2019 në Prishtinë.