Feka vazhdon me Hamburgun

Mesfushori shqiptar Dren Feka ka vazhduar kontratën me Hamburgun deri në vitin 2018.

Lajmi është bërë i ditur në faqen zyrtare të skuadrës gjermane. Ai është shprehur i lumtur që nënshkroi kontratën e parë profesioniste, derisa ishte pjesë e Hamburgut nga viti 2009. “Gjithmonë e kam thënë, Hamburgu është qëllimi im, dhe jam i lumtur që do të mund të qëndojë këtu”, ka thënë ai, përcjell albinfo.ch. Feka ka nënshtetësinë e Shqipërisë dhe Gjermanisë.

Edhe drejtori sportiv i Hamburgut, Peter Knabel ishte i kënaqur që nënshkruan me Fekën.

“Është një aset i rëndësishëm i klubit, dhe duam të tregojmë se ai ka një perspektivë të rëndësishme këtu. Jemi të bindur në kualitetet e tij, ka një inteligjencë të jashtëzakonshme të futbollit. Shpresojmë që të vazhdojë të përmirësohet edhe më shumë”, ka thënë Peter Knabel.