Fermeri shqiptar i kanabisit do të dëbohet nga Britania

Ai është dënuar me tetë muaj burg dhe pas kësaj periudhe ai do të dëbohet në Shqipëri

Një emigrant ilegal shqiptar do të deportohet në vendin e tij, pas tetë muajve burgim për shkak të pjesëmarrjes së tij në kultivimin e kanabisit, “southwalesargus.co.uk”, përcjell albinfo.ch.

Ermal Muça, 24-vjeçar, pa vendbanim të caktuar u paraqit në Gjykatë, derisa është shpallur fajtor për prodhimin e barnave të ndaluara. Gjykata e dëgjoi të pandehurin, i cili komunikonte me anë të një përkthyesi. Ai kishte jetuar në Britaninë e Madhe që 15 muaj, dhe ishte marrë nga Londra në Cwmbran për të punuar si një kopshtar në një fermë të kanabisit, përcjell albinfo.ch.

Madje, Muça edhe pse ishte shpallur fajtor për një rol të vogël në fabrikën e vogël të kanabisit, ai ishte i përfshirë thellë në procesin komercial të drogës në pronë në Oaksford.

Muça u arrestua të martën, më 9 gusht. Mbrojtësi i tij kishte se ai paguhej 300 funte në muaj për punën që bënte. Sipas tij ai ishte vetëm roje në atë fermë.

Megjithatë, ai është dënuar me tetë muaj burg dhe pas kësaj periudhe ai do të dëbohet në Shqipëri.