Fillojnë Lojërat Olimpike në Korenë Jugore

Albin Tahiri do të përfaqësojë Kosovën, derisa Shqipëria përfaqësohet me dy garues

Keystone

Në Pyeongchang të Koresë Jugore ka filluar ceremonia hapëse e Lojërave Olimpike Dimërore, shkruan albinfo.ch.

Ky është edicioni i 23-të i Lojërave Olimpike Dimërore. Gjashtë shtete do të debutojnë në këto gara, në mesin e tyre edhe Kosova.

Albin Tahiri do të përfaqësojë Kosovën, derisa Shqipëria përfaqësohet me dy garues, derisa 169 atletë rusë pritet të garojnë si neutralë.

Për gjatë 17 ditëve më shumë se 3000 sportistë do të garojnë në 15 sporte të ndryshme për të fituar një nga 102 medaljet e mundshme.

Rreth 77 për qind të biletave janë shitur – diku 826.000.

Në këtë Olimpiadë do të marrin pjesë edhe sportistët nga Koreja Veriore.