Fillon mësimi shqip për fëmijët e vegjël

Mbështetur kryesisht nga komuna e Thalwilit, si dhe nga instituti për media SIKJM në Cyrih ka filluar sot mësimi në gjuhën shqipe. Nga ky aktivitet arsimor përfitojnë të gjithë prinderit dhe fëmijët shqiptarë ndërsa mësimi drejtohet nga dy mësuese shqiptare.

Derisa mësuesja animatore, Hava Kurti Krasniqi i mëson fëmijët duke u treguar përralla e duke ngjyrosur e krijuar gjëra me punë dore, Aferdita Deliaj, si asistente dhe moderatore e takimeve me gra bisedon me prindër per tema të ndryshme që kanë të bëjnë me integrimin, motivimin e fëmijëve dhe sistemin shkollor në Zvicër.

Vijimi i këtij mesimi ështe falas. “Të jemi falëminderues ndaj Zvicrës për mbeshtetjen e madhe të mësimit të gjuhës shqipe”, shprehet për albinfo.ch mësuesja Hava Kurti Krasniqi duke i ftuar prindërit me fëmijë për një pjesëmarrje sa më të madhe.

“Mësimi i gjuhës amtare të mbush me suksese edhe në gjuhët e në lëndet e tjera të mëvonshme.”, thotë mësuesja e gjuhës shqipe.

Komuna e Thalwilit njëherësh ka ftuar edhe nxënësit nga komunat fqinje për pjesëmarrje në këtë projekt.

“Janë të mirëseardhura të gjitha nënat me fëmijë të vegjël por të drejtë pjesëmarrjeje kanë edhe fëmijët e rritur. Pjesëmarrja jonë është edhe një nder i madh ndaj kulturës dhe gjuhës sonë por edhe një falëminderim ndaj vendit ku jetojmë.”, thotë nga ana tjetër mësuesja Deliaj.

Më shumë informacione në flyerin e mëposhtëm: