Filmi zviceran në DokuFest me një kritikë ndaj shoqërisë së “selfie”-zuar

filmi vjen si një kritikë ndaj shoqërisë së sotme, ku secili ka dëshirë për t’i shkrepur vazhdimisht fotografi vetes (selfie)

“Selfies” me regji të Claudius Gentinetta është shfaqur sot në Shtëpinë e Kulturës në kuadër të DokuFest-it, shkruan albinfo.ch.

Në vetëm katër minuta, filmi zhvillohet me një ritëm të shpejtë, ku shfaqen një mori ‘selfiesh’ të përpunuara, që i shfaqin njerëzit në momente të ndryshme të jetës.

Me një fjalë, filmi vjen si një kritikë ndaj shoqërisë së sotme, ku secili ka dëshirë për t’i shkrepur vazhdimisht fotografi vetes (selfie).

Gjatë shfaqjes së filmit nuk pati shumë të pranishëm, por rikujtojmë se ditët e DokuFest-it janë të mbushura me shfaqje filmash si dhe aktivitete të tjera, që shpesh qëllojnë të jenë në të njejtën kohë.

Trailerin e këtij filmi të metrazhit të shkurtër, mund ta shihni duke klikuar në këtë vegëz.

Në edicion, pritet të shfaqen mbi 280 filma, në mesin e të cilëve rreth 20 janë nga Zvicra ose bashkëpunim mes Zvicrës dhe shteteve tjera.

Traileri i filmit:

 

---