Finalja e Superkupës mbarëkombëtare: ‘Ferronikeli’ – ‘Kosova Zurich’ nga Zvicra

Ndeshje futbollistike mes FC.”Ferronikeli” dhe “Kosova Zurich”

Është bërë e ditur se do të mbahet finalja e Superkupës mbarëkombëtare mes FC Ferronikeli dhe Kosova Zurich më 16 nëntor 2019, në stadiumin e qytetit të Drenasit, shkruan albinfo.ch.

Ndeshja për Superkupë zhvillohet ndërmjet ekipit të futbollit FC Ferronikeli nga Drenasi dhe FC Kosova Zurich nga Zvicra, nga ora 13:00.

Vlen të theksohet se FC Ferronikeli është fitues i Kupës së Kosovë për vitin 2019, ndërsa FC Kosova Zurich është fitues si Kupës së Diasporës për vitin 2019.

Kjo ndeshje është organizuar nga Ministria e Diasporës dhe Investimeve Strategjike, në bashkëpunim me Unionin e klubeve shqiptare të futbollit në Zvicër dhe Federatën e Futbollit të Kosovës, ku do të mbahet finalja e Superkupës mbarëkombëtare. /Albinfo.ch.

---