Kosova

Fitore e thellë e Kosovës U19

E premte, 5 Prill 2024 - 21:40 albinfo.ch
FFK

Kombëtarja U19 e vajzave në futboll të premten në Gjibraltar fituoi 4:0 ndaj Luksemburgut.

Rreze Gashi shënoi golin e parë në minutën e 40-të.

Me të nisur pjesa e dytë, në minutën e 49-të, Sahare Berisha shënoi për 2:0. Dominimi i Kosovës u konkretizua me golin e tretë, të cilin e shënoi Alba Shabani në minutën e 54-t. Në minutën e 82-të lojtarja e Luksemburgut, Ten Raa, shënoi autogol për rezultatin final, 4:0.

Tri ditë më parë, Kosova U19 fitoi 5:0 ndaj Gjibraltarit.

Më 8 prill e ka ndeshjen vendimtare për vendin e parë në grup, ndaj Izraelit. Kosova garon në Ligën B, grupi i tretë. Prej ligës B kualifikimi në Evropian nuk është i mundur.

Nëse e fiton grupin, Kosova U19 promovohet në Ligën A për ciklin e ardhshëm kualifikues./Koha.net

 Të tjera nga Kosova

Von der Leyen: Sinjale pozitive për Kosovën, në fillim të vitit të ardhshëm do të disbursohen 205 milionë euro

 E-Diaspora

 Jeta në Zvicër