Flamuri i Kosovës dhe Zvicrës në këpucët e Shaqirit

Zvicra ka filluar përgatitjet për Kampionatin Botëror që do të nisë në muajin qershor në Rusi.

Njëri nga lojtarët kyç te Zvicra është Xherdan Shaqiri, i cili asnjëherë nuk e harron vendlindjen e tij, shkruan albinfo.ch.

Kështu në këpucët e tij ka vendosur flamurin e Kosovës, në njërën këpucë dhe këpucën tjetër atë të Zvicrës.

Fotografinë e ka postuar në ‘Instagram’, ku Shaqiri është mjaft aktiv dhe ka shumë përcjellës.

Zvicra është pjesë e Grupit E bashkë me Serbinë, Brazilin dhe Kostarikën.

Përveç Shaqirit, te Zvicra pritet të luajnë edhe shqiptarët tjerë Granit Xhaka, Blerim Xhemaili, Valon Behrami, Admir Mehmedi dhe Albian Ajeti.