Fluks i ri refugjatësh

Autoritetet greke kanë frikë se me paralajmërime për kalimin me sukses të kufirit mund të zbrazen kampet e refugjatëve. Rreth 60,000 emigrantë kanë mbetur në Greqi, kur vendet fqinje kanë mbyllur kufijtë e tyre për refugjatë

Tre muaj pas evakuimit të mijëra refugjatëve dhe emigrantëve nga kampi i improvizuar i refugjatëve në kufirin Maqedoni-Greqi, autoritetet greke njoftuan se kanë regjistruar përsëri një rritje në përpjekjet për të kaluar ilegalisht kufirin me Maqedoninë, shkruan gazeta “Kathimerini”, përcjell albinfo.ch.

„Ata shkojnë me tren në Muries dhe përpiqen të kalojnë kufirin nëpër pyje dhe përgjatë bregut të Liqenit të Dojranit, ndërsa të tjerët përpiqen të kalojnë kufirin përmes fshatit Hamill, pranë Idomenis“, tha një zyrtar i policisë për “Kathimerini”.

Autoritetet greke kanë frikë se me paralajmërime për kalimin me sukses të kufirit mund të zbrazen kampet e refugjatëve.

Rreth 60,000 emigrantë kanë mbetur në Greqi, kur vendet fqinje kanë mbyllur kufijtë e tyre për refugjatë në fillim të këtij viti.