Tematike
Forcimi i frangut kundrejt euros, shkaqet dhe pasojat
Gzim Hasani: "Frangu perceptohet si një monedhë e sigurt. Për këtë arsye është veçanërisht e kërkuar në kohë krize dhe përmendet, si një "strehë e sigurt"
Ditëve dhe javëve të fundit është vënë re një ngritje e hovshme e frangut zviceran kundrejt euros. Për herë të parë është shënuar barazimi i frangut me euron. Cilat janë shkaqet e kësaj rritjeje, si reflektohet ajo në ekonominë dhe sidomos eksportet zvicerane dhe a pritet të vazhdojë më tutje?
Lidhur me këto dhe pyetje të tjera albinfo.ch ka biseduar me Gzim Hasanin, afarist i suksesshëm, CEO i Swiss Management Zürich AG, SMZH, njëherësh ekspert i financave.
albinfo.ch: Cila është arsyeja që frangu zviceran është kaq i fortë për momentin?
Gzim Hasanin: Frangu i fortë pasqyron nivelin e lartë të konkurrueshmërisë së ekonomisë zvicerane dhe stabilitetin makroekonomik dhe politik të vendit. Frangu perceptohet si një monedhë e sigurt dhe për këtë arsye është veçanërisht e kërkuar në kohë krize dhe përmendet, ndër të tjera, si një “strehë e sigurt”.
albinfo.ch: A mund të vazhdojë të rritet vlera e frangut zviceran?
Gzim Hasani: Për shkak të situatës aktuale, kjo është lehtësisht e mundur. Kjo gjë do të varet shumë nga mënyra se si do të zhvillohet situata në Ukrainë dhe nga ajo nëse do të vazhdojë pasiguria. Nga ana tjetër, barazia e frangut zviceran ndaj euros (1:1) është gjithashtu një kufi i rëndësishëm psikologjik dhe një vlerësim i mëtejshëm i frangut zviceran kundrejt euros dhe mund të rëndojë industrinë e eksporteve zvicerane.
albinfo.ch: Çfarë duhet bërë për të parandaluar rritjen e mëtejshme të frangut?
Gzim Hasani: Sigurisht, një përfundim i luftës do të zvogëlonte pasiguritë dhe rreziqet dhe me këtë do të ndalohej edhe rritja e vlerës së frangut zviceran. Një mjet tjetër konsiston në ndërhyrjet e Bankës Kombëtare të Zvicrës (SNB) në tregun valutor për të ndalur ngritjen e frangut zviceran dhe në këtë mënyrë, ndër të tjera, për të mbrojtur sektorin e eksportit të Zvicrës.
albinfo.ch: Çfarë pritshmërish kanë ekonomistët në lidhje me ndryshimet në monedhat kryesore botërore si rezultat i agresionit rus të Ukrainës.
Gzim Hasani: Me agresionin rus mbi Ukrainën, monedhat në Evropë do të vuajnë kryesisht më shumë se, për shembull, dollari amerikan, pasi Evropa është ekonomikisht më e prekur se SHBA-ja. Prandaj, dollari amerikan, jeni japonez dhe frangu zviceran kërkohen si monedha të sigurta.
Të ngjashme
Të tjera nga Tematike
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?