Lajme

Formula 1 pritet të zhvillohet më 5 korrik në Austri

Pista e Austrisë do të mbajë dy raundet e para të sezonit, dhe kjo e bën krenarë shefin e Mercedes.

Shefi i Mercedes në Formula1, Toto Wolff, është shprehur krenar me vendlindjen e tij, Austrinë.

“Jam shumë optimist që ne mund të fillojmë në Austri, sepse Austria ka qenë një nga vendet që kontrolloi më së miri virusin dhe mbajti numër të ulët të rasteve”, ka thënë Wolff.

“Mendoj se ata do të vijnë me një plan të mirë edhe për garën. E di pistën shumë mirë, sepse kam bërë mijëra xhiro aty, si garues dhe si instruktor”, shtoi bosi i Mercedes.

“Jetoja në Spielberg, isha një pilot i ri. Ndihesha si në shtëpinë e dytë. Kam shumë kujtime nga ai vend. Ta filloj sezonin aty më bën krenar, si dhe fakti që Austria po i jep startin sezonit dhe po bën këtë në dy vikende radhazi, kështu që dy gara mund të përfundojnë. Po e pres këtë”, ka thënë ndër të tjera Wolff.

Gara e parë e Formula 1 këtë sezon pritet të zhvillohet më 5 korrik, siç u cek më lart, në pistën ku zhvillohet Grand Prix Austria.