Foshnja lindet pa gjak!

Bardhësia e jashtëzakonshme “prej fantazme” i kishte alarmuar mjekët, të cilëti dhanë transfuzioni të gjakut

Olivia e vogël ka ardhur krejtësisht e bardhë, “si fantazmë” në këtë botë. Kontrolli mjekësor që i është bërë ka ardhur në konstatimin tronditës: shikuar nga aspekti mjekësor, vajza nuk ka fare gjak!

Nëna e kishte lindur Olivinë, me prerje cezarike, gjashtë javë para kohës që kishin paraparë mjekët. Bardhësia e jashtëzakonshme “prej fantazme” i kishte alarmuar mjekët, të cilët në momentin e fundit e kishin shpëtuar foshnjën duke i bërë urgjentisht transfuzionin e gjakut. Përmes transfuzionit, ngjyra e saj e bardhë “si muri” dalë ngadalë po kthehej në ngjyrë rozë.

Vajza kishte lindur me një formë të rëndë të anemisë (pagjakësisë). Përmbajtja e hemoglobinës te ajo ka qenë aq e ulët sa që mund të thuhej se vajza nuk kishte gjak fare. “Për punëtorët e spitalit, Olivia ishte një mrekulli medicinale”, ka thënë e ëma për gazetën britanike “telegraph”.