Foxconn, furnizues i Apple, zëvëndëson 50 mijë punëtorë me robotë

Një fabrikë në jug të Kinës, në Kunshan, Foxconn, mijëra punëtorë do t’i zëvendësojë me robotë. Kështu raporton “South China Morning Post”, duke iu referuar një zyrtari të qeverisë lokale. Furnizuesi i Apple ka reduktuar numrin e të punësuarve nga 110.000 në 50.000 për shkak të robotëve. Përveç kësaj, zyrtari i qeverisë tha se 600 kompanitë më shumë do të ndjekin shembullin e Foxconn.

Ky zhvillim nuk është shenjë e mirë për 2.5 milionë banorët e Kunshan të Kinës. Sipas raportit të gazetës, shumica e popullsisë janë punëtorë migrantë, të cilët kanë lëvizur në këtë qytet për të gjetur punë në një nga shumë kompanitë elektronike. Foxconn është me seli në Tajvan, por ka dymbëdhjetë fabrika në Kinë dhe prodhon pajisjet e iPhone dhe iPad. Grupi ka një total prej 1.3 milionë të punësuar, është një nga punëdhënësit më të mëdhenj në botë.

Foxconn ka konfirmuar për BBC  se kompania angazhon robotët vetëm për detyra shumë të përsëritura. Pra, të punësuarit mund të përqëndrohen në aktivitete me vlerë të lartë në procesin e prodhimit, duke përfshirë kërkimin, zhvillimin dhe kontrollin e cilësisë.