Franca nderon legjendën shqiptare

Sonte nga ora 21:00 do të zhvillohet njëra nga ndeshjet më të mëdha në kampionatin francez ndërmjet Marseille dhe PSG-së në stadiumin “Velodrome”, shkruan albinfo.ch.

Përballja e sotme do të jetë e veçantë, pasi topin nga mesi i fushës do ta nisë, legjenda e futbollit shqiptar, Lorik Cana.

Cana ka dalë nga akademia e Parisit, derisa më pas kaloi në Marseille, megjithatë, ai mbetet legjendë e dy skuadrave dhe një rast i veçantë, pasi nuk urrehet nga asnjëra tifozeri.

Kujtojmë që ish-kapiteni i Kombëtares i dha zyrtarisht lamtumirë futbollit të luajtur në ndeshjen ndaj Italisë, të zhvilluar në “Loro Boriçi” në Shkodër.

Cana ka luajtur 69 ndeshje për Paris Saint Germain dhe 122 për Marseille-n, derisa mban edhe rekordin në Kombëtaren shqiptare me 93 ndeshje.