Franca në gjendje shtetrrethimi

Keystone

Rreth një orë më parë presidenti François Hollande ka shpallur gjendje të jashtëzakonshme dhe shtetrrethim në Francë.

Ai ka ftuar qeverinë në një mbledhje urgjente të kabinetit në Pallatin Presidencial në mesnatën e sontme.

Televizionet franceze flasin për rreth 60 të vdekur. Ndërkohë po qarkullon lajmi se njërin ndër gjashtë sulmet që kanë ndodhur të njëjtën kohë e ka shkaktuar një atentator vetëvrasës.

Bëhet e ditur se policia ka ndërmarrë një sulm kundër pengmarrësve në sallën e teatrit por nuk ka të dhëna rreth rezultatave të këtij sulmi.

Njoftohet se metroja e Parisit është bllokuar si masë preventive ndaj sulmeve të mundshme.