Ky është një lajm i mirë për të gjithë zviceranët që blejnë dhurata për festat e fundvitit përtej kufirit ose të kalojnë pushimet e tyre jashtë vendit. Euro ka rënë tashmë nën 1.07 kundrejt frangut zviceran. Ky është niveli më i ulët që nga gushti 2015.

Nuk është çudi, ngase frangu është konsideruar gjithmonë si një strehë e sigurt në kohë të pasigurta.

“Fluturimi i frangut zviceran vazhdon”, shkruajnë nga Banka kantonale e St. Galenit në një koment këmbimi valutor, përcjell albinfo.ch.

“Euro ishte poshtë 1.08 franga”. Kjo është për shkak të ndërhyrjes së Bankës Nacionale të Zvicrës SNB, shkruajnë ekspertët e këmbimit të Bankë kantonale të St. Gallenit.

Arsyeja kryesore për dobësinë e euros është forcimi i dollarit amerikan, pas fitores së papritur të Donald Trump për presidentin të ri të SHBA-së.

Dollari ishte vlerësuar deri në 1,0002 franga.

Presidenti amerikan Trump dëshiron shkurtimin e taksave dhe rritjen e shpenzimeve të qeverisë. Analistët besojnë se ekonomia dhe inflacioni do të jenë shtyrë si rezultat i kësaj. Prandaj, normat e interesit për bonot amerikane janë rritur ndjeshëm.

Për industrinë zvicerane, nga ana tjetër, forcimi i frangut është një zhvillim jo i mirë.