FSK, në përgatitje për ushtrimet “Defender Europe 23”

Para fillimit të ushtrimit ndërkombëtar “Defender Europe 23” Forca e Sigurisë së Kosovës, e cila do të jetë e rreshtuar krah ushtrive të tjera, ka nisur përgatitjet.

Në kazermën “Adem Jashari” në Prishtinë para komandantit të Forcës së Sigurisë së Kosovës, gjenerallejtënant Bashkim Jashari, ministrit të Mbrojtjes, Armed Mehaj, është realizuar Prova e Konceptit të Ushtrimit (ROC DRILL) për ushtrimin fushor “Defender Europe 23”.

“Gjeneral Jashari ka përgëzuar oficerët dhe nënoficerët për punën dhe përkushtimin e tyre, gjithashtu ka falënderuar partnerët për mbështetjen që i kanë dhënë këtij ushtrimi në të gjitha fazat që nga planifikimi e deri në këtë fazë, ai ka theksuar rendësinë e këtij ushtrimi të shkallës së gjerë të udhëhequr nga Ushtria Amerikane për Evropë, duke na krijuar mundësi që të jemi të ndërveprueshëm me partnerët tanë në operacione të përbashkëta. Ministri i Mbrojtjes gjithashtu theksoi se keni mbështetjen time të pakursyer për realizimin sa me më sukses, këtë ia kam shprehur edhe komandantit Jashari që në fazat e hershme të planifikimit”, thuhet në njoftimin e FSK-së.