Fuqizohen masat kundër dhunës në familje

Liria e kufizuar e lëvizjes për shkak të pandemisë me koronavirusin mund të çojë në më shumë dhunë nëpër familje dhe të parandalojë viktimat e dhunës në familje që të raportojnë dhe të kërkojnë ndihmë.

Task-Forca e Qeverisë federale dhe kantonet kanë filluar një fushatë posterësh, në mënyrë që të prekurit të dinë se ku mund të marrin mbështetje. Shoqatat e farmacive, farmacitë, furrat e bukëve ishin degët e para që premtuan të mbështesin këtë iniciativë.

Megjithëse rreziku i dhunës në familje është rritur pas krizës me koronavirusin, kantonet nuk kanë parë ndonjë rritje të raportimit të dhunës e as të ndihmës së viktimave nga policia. Ekspertët kanë frikë se viktimat nuk raportojnë për shkak të lirisë së kufizuar të lëvizjes.

Informatat me posterë të shpërndara gjerësisht tani duhet të korrigjojnë situatën: nga kjo javë dyqane e shumta do të vendosin poster me pikat qendrore të kontaktit. Kjo për të siguruar që viktimat e dhunës në familje të gjejnë qasje të shpejtë për të ndihmuar kur tensionet shndërrohen në agresion ose dhunë në shtëpi.

Shoqata zvicerane e farmacistëve «PharmaSuisse», Shoqata Zvicerane e Furrtarëve dhe Shoqata Zvicerane e Barnave kanë dhënë mbështetjen e tyre. Shoqatat vendosin posterin në dispozicion të degëve të tyre për postim dhe kështu kontribuojnë në informimin e popullatës. Të gjitha kompanitë, pavarësisht nga industria e tyre, janë të ftuar të shtypin posterin dhe ta vendosin në dyqanin e tyre.

Posteri inkurajon viktimat, si dhe të afërmit ose fqinjët të marrin informacion ose këshilla nga një qendër këshillimi për viktimat. Në rast të një kërcënimi akut, telefononi policinë, të cilët kanë mundësi të ndryshme për ndalimin e dhunës ose rregullimin e strehimit.

Nisma u nis nga Task Force kundër dhunës në familje nga Konfederata dhe kantonet. Task-forca përbëhet nga agjencitë përgjegjëse federale: Zyra Federale për Barazi Gjinore EBG, Zyra Federale e Drejtësisë dhe Zyra Federale e Sigurimeve Shoqërore BSV, Konferenca e drejtorëve socialë e kantonalë SODK, Konferenca e drejtorëve të policisë dhe drejtësisë, KKJPD dhe Konferenca Zvicerane kundër Dhunës në Familje SKHG.

Task Force po monitoron nga afër situatën aktuale në fushën e dhunës në familje që nga shpërthimi i krizës dhe vlerësimin e masave të përshtatshme. Fushata kombëtare e posterëve plotëson aktivitetet e informacionit që kantone të ndryshme kanë ndërmarrë tashmë në vazhdën e krizës së koronavirusit.

Dhuna në familje është problem në Zvicër, pavarësisht krizës me virusin korona. Gjysma e vrasjeve kryhen nëpër familje. Policia regjistroi 19.669 raste në lidhje me dhunën në familje vetëm vitin e kaluar.

Të tjera informata për viktimat e dhunës në gjuhën shqipe: www.opferhilfe-schweiz.ch