Futbollistët shqiptarë që mund të ndryshojnë ambient në Itali

Elseid Hysaj gjithashtu është një ndër më të kërkuarit, pasi nuk pritet të qëndrojë te Napoli. Interi ka shfaqur interesim për mbrojtësin kuqezi

Kampionati italian është drejt fundit të këtij edicioni, derisa kanë filluar ethet e afatit kalimtar, se kush, ku do të transferohet.

Në sezonin e ardhshëm në Serie A, do të kemi edhe një futbollist më shumë shqiptar. Ky është Emanuele Ndoji me Brescian, që ka hyrë nga Serie B, shkruan albinfo.ch.

Por, Ndoji ka shumë oferta dhe mund të ndërrojë mjedis, derisa mund të zëvendësohet me Përparim Hetamaj, i cili me Chievon, ka rënë në Serie B matematikisht.

Berat Gjimshiti po kalon një sezon të jashtëzakonshëm me Atalantën. Kjo ka bërë që të jetë shumë i kërkuar. Fiorentina ka shprehur interesim për mbrojtësin kuqezi, i cili tani kushton 10 milionë euro.

Mbrojtësi i Shqipërisë, Kastriot Dermaku, do të largohet nga Cosenza në fund të sezonit. Bologna e ndjek prej kohësh lojtarin e kombëtares shqiptare, ndërsa së fundmi në garë është përfshirë dhe ekipi i Parmës.

Elseid Hysaj gjithashtu është një ndër më të kërkuarit, pasi nuk pritet të qëndrojë te Napoli. Interi ka shfaqur interesim për mbrojtësin kuqezi.

---