Futbollisti kuqezi e ka vështirë të mësojë shqip

Ai është i lindur në Spanjë, derisa ka prejardhje shqiptare. Balliu ka qenë pjesë edhe e Akademisë së Barcelonës

Njëri nga futbollistët e fundit që është grumbulluar në Kombëtaren shqiptare është Ivan Balliu, i cili luan si mbrojtës i djathtë në skuadrën franceze, Metz, shkruan albinfo.ch.

Ai është i lindur në Spanjë, derisa ka prejardhje shqiptare. Balliu ka qenë pjesë edhe e Akademisë së Barcelonës.

Balliu shpreson që do të luajë në ndeshjet e radhës për kuqezinjtë, sepse ndaj Maqedonisë dhe Lihtenshtajnit nuk u aktivizua. “Nuk kam luajtur në ndeshjet që jam grumbulluar, por shpresoj se do të kem minuta në këmbë në ndeshjet e ardhshme. Do të ishte ëndërr të luaja ndaj Spanjës ose Italisë. Është ëndërr për çdo futbollist. Këto janë ekipe të mëdha”, deklaroi futbollisti shqiptar për mediat franceze.

Ai thotë se gjuha shqipe është pak e vështirë. “Po e mësoj çdo ditë pak nga pak, por është paksa e vështirë”, theksoi Balliu.

Mbrojtësi shprehet i lumtur që është veshur kuqezi dhe premton maksimumin.