Futbollisti shqiptar në Kroaci kacafytet me një futbollist serb në ndeshjen e superligës

Një ndeshje e superligës në Kroaci u shndërrua në arenë ballafaqimi fizik, ku protagonistë ishin një shqiptar dhe një serb.

Në ndeshjen që ishte e vlefshme për kampionatin kroat, futbollisti shqiptar, Emir Sahiti, përveçse shënoi golin e parë për Hajduk Split përballë Istra-s, në triumfin 0-2 në transfertë të ekipit të tij, mori vëmendjen pas një episodi të ndodhur në minutën e 27-të.

Sulmuesi shqiptar pas një kontakti me lojtarin serb, Mladen Devetak, u përplas edhe fizikisht me të.

Në këtë incident gjatë sfidës u përfshinë edhe futbollistë të tjerë, si Ante Erceg dhe Marko Livaja, që është kapiteni i Hajdukut.

Sahiti dhe Devetak ia hodhën paq nga kaosi që krijuan në fushë dhe situata u qetësua nga arbitri, por i vetmi që e pësoi ishte Livaja që u ndëshkua me karton të verdhë.

Por, tensione dhe përplasje pati edhe pas sfidës, ku disa tifozë janë përleshur me sigurimin.

VIDEO:

https://m.facebook.com/watch/?v=729746335725904&paipv=0&eav=AfauaiR_nNaimXBGkQoxqqGp8_6aD4u_tUCOrrUi9GoPxh5mszOArU6BMFS7rjzurNU&wtsid=rdr_0VQevwtMYkYB8ph0E&ref=embed_video&_rdr