Garë gjithëpërfshirëse për “Logon e Diasporës”

Sipas MeD, logoja që del fituese do të përdoret në aktivitetet e Ministrisë së Diasporës, përfshirë edhe “mërgimtarin e vitit” si dhe pullën postare me tematikë “diasporën”

Ministra e Diasporës ka hapur një konkurs publik, për të dizajnuar logon e Diasporës, ndërsa për të interesuarit ka dhënë edhe një skemë me rregullat e konkurrimit. Sipas MeD, logoja që del fituese do të përdoret në aktivitetet e Ministrisë së Diasporës, përfshirë edhe “mërgimtarin e vitit” si dhe pullën postare me tematikë “diasporën”.

Sipas një njoftimi publik, dizajni përveç që duhet të dorëzohen formë elektronike (CD ose USB) duhet të përmbajë këto motive: shpërngulja e diasporës gjatë historisë; Përfshirja e diasporës shqiptare në gjithë botën; Unitetin e diasporës;  Lidhja e tyre me atdheun dhe; shpresën e tyre.

Vendi i parë  sipas Ministrisë ka shpërblim prej 800 eurosh, ndërsa vendi i dytë do të shpërblehet me 200 euro.

P‎ërgjegj‎ësin‎ë për të drejtat autoriale e mban‎ autori i dizajnit (konkurruesi), ndërsa logoja do të përdoret për nevojat e Ministrisë së Diasporës, si: Për dhënien e çmimit vjetor “Mërgimtari i vitit”; për aktivitetet e “Ditëve të diasporës”; Pullën postare “Pulla e Diasporës” (edicioni special); mirënjohjet e MeD-së për diasporën në fusha të ndryshme;  në të gjitha materialet e tjera, për të cilat Ministria e Diasporës e sheh të arsyeshme ta përdorë të njëjtin dizajn dhe që lidhen me temën.

“Emri i autorit të dizajnit nuk duhet të shënohet pranë motivit konkurrues. Aty duhet të figurojë vetëm shifra. Punimet me rezolucion më të ulët se 500 px (TIFF, PDF, GIF) nuk pranohen. Për shkaqe të objektivitetit, në pjesën e jashtme të  zarfeve dhe në CD duhet të shënohet vetëm shifra e zgjedhur nga vetë autori”, thuhet në njoftimin e MeD-it.

KONKURSI do të jetë i hapur 20 ditë kalendarike, nga data 16.03.2015 deri më 06.04.2015

http://med.rks-gov.net/med/ftese-publike-dizajni-logos-se-ditet-e-diaspores/

---