Gashi, i nominuar edhe për një çmim në Amerikë (video)

Shkëlzen Gashi është kandidat për golin më të bukur të sezonit, përkrah emrave si Steven Xherrard, Didier Drogba, Sebastian Giovinco, David Villa apo Giovani Dos Santos

Sulmuesi i Kombëtares shqiptare, Shkëlzen Gashi, po shijon ëndrrën amerikane. Ai po shkëlqen në Colorado Rapids, dhe për këtë ka marrë edhe vlerësime, duke u shpallur si futbollisti i vitit, shkruan albinfo.ch.

Por, 28-vjeçari është kandidat për golin më të bukur të sezonit, përkrah emrave si Steven Xherrard, Didier Drogba, Sebastian Giovinco, David Villa apo Giovani Dos Santos.

Gashi kandidon me golin spektakolar që i shënoi Vancuverit me goditje dënimi pak javë më parë, duke shënuar një gol të jashtëzakonshëm nga 25 metra.

Në raundin e parë ai konkurron me Mateo Mankosu të Montreal Impakt dhe deri tani futbollisti i Kombëtares shqiptae udhëheq bindshëm me vota.

https://www.youtube.com/watch?v=1Ao6Su3B6Xc