Gazeta gjermane prezanton “Bavarezët” e Prishtinës

"Ne, mjerisht ende nuk kemi pasur rastin që, si klub, të shohim ndonjë lojë të Bajernit. Kjo për faktin se Kosovës, vendit të vetëm në Evropë, ende i duhen viza për Gjermani..."

^{Asnjë ekip gjerman futbolli nuk më shumë klube tifozësh se sa FC Bayern, she secili klub ka veçantitë e veta. Edhe Klubi i Tifozëve  „Bavarezët“ nga Prishtina ka disa gjëra që e dallojnë. „Klubi ynë është i veçantë pasi që ne, mjerisht, ende nuk kemi pasur rastin që, si klub, të shohim ndonjë lojë të Bajernit. Shkak për këtë është fakti se  ne nga Kosova – si vendi i vetëm në Evropë- kemi ende nevojë për viza për të hyrë në Gjermani dhe në përgjithësi në zonën e Shengenit.}

^{Ndërkohë që individualisht, disa anëtarë të klubit kanë pasur rastin të ndjekin ndeshje të Bajernit, si klub tifozësh, për fat të keq ende nuk e kemi pasur këtë rast“, prezantohen për gazetën gjermane TZ (tageszeitung) anëtarët e klubit.}

^{Ndërsa, si aksionin e tyre më të mirë, ata e konsiderojnë këtë: „Para ndeshjes finale të Ligës së Kampionëve për vitin 2013 ne kemi  marrë një automjet të cilin e kemi mbushur përplot me flamuj dhe transparente të Bajernit. Në një baner kemi shkruar „DANKE JUPP“ dhe me këtë automjet kemi shëtitur rrugëve të Prishtinës“, kanë thënë tifozët shqiptarë për gazetën gjermane.}

^{Ata po ashtu tregojnë kryesinë e tyre e ka pritur edhe vetë presidenja e vendit, Atifete Jahjaga. „Ajo na ka rrëfer për takimin që ka pasur në Munih me Xherdan Shaqirin dhe përes saj, Xherdani i ka dërguar klubit tonë karta të autografeve. Ato na i ka dhurar personalsiht presidentja“.}