Gazetarja austriake Wölfl: Ishte BESA shqiptare, ajo që më shpëtoi jetën

“Mbi të gjitha fati im ishte që unë humba rrugën në një mal shqiptar dhe jo diku tjetër, por vetëm këtu, ku ligjet dhe rregullat e mikpritjes qëndrojnë mbi të gjitha,” shkruan Wolfl, informon albinfo.ch.

Llogaraja - Foto e shkrepur nga Wolfl

“I am coming”, bërtiti një zë i qartë. Drita e zbehtë po dukej nga elektrikët e dorës, në kohën kur errësia kishte kapluar hapësirën rreth meje. Ishte një Odise, shkruan fillimisht gazetarja e talentuar austriake Adelheid Wolfl, që para pak ditësh humbi gjatë ngjitjeve në Parkun Nacional të Llogarasë, Shqipëri. I duheshte dy orë ecje nëpër humnerë për të parë dritën e shpresës. Ajo thur plot lavdata për punën e policisë dhe kulturës shqiptare. Pasi e pyesin se si është dhe i japin një banane për të hëngër, një ndihmës nxjer telefonin dhe i thotë “Family First”.

“Familja në Shqipëri është qendra e rregullit social. Dikur këtu sundonte Kanuni i Labërisi. Ky kanun nuk kishte si qendër vetëm mbrojtjen e nderit dhe burrërinë, por edhe mirësinë, bujarinë, besnikërinë dhe mbi të gjitha, mikpritjen,” përcjell albinfo.ch, shkrimin e Wolfl për Der Standard, e cila njëherësh “turpërohet” që nga “budallakia e saj” ka “ngatërruar rrugën”.

Për këtë shpëtim, ajo falenderon edhe ambasadën austriake në Tiranë, që “BESËN shqiptare e ka përvetësuar për vete” dhe bëri çishte e mundur që të gjendej ajo duke aktivizuar gjithë personelin e saj.

“Mbi të gjitha fati im ishte që unë humba rrugën në një mal shqiptar dhe jo diku tjetër, por vetëm këtu, ku ligjet dhe rregullat e mikpritjes qëndrojnë mbi të gjitha,” shkruan në fund plot emocion Wolfl, e cila u largua nga Shqipëria me plot dhurata nga gjetësit e saj.