Gërvalla shkarkon 13 ambasadorë

”Ministrja Gërvalla ka marrë vendim për shkarkimin e një numri ambasadorësh"

Ministrja e Punëve të Jashtme dhe Diasporës së Kosovës, Donika Gërvalla, ka kërkuar nga Presidentja Osmani shkarkimin e të gjithë ambassadorëve të emëruar politikisht.

”Ministrja Gërvalla ka marrë vendim për shkarkimin e një numri të madh ambasadorësh. Sot ajo ka shkarkuar 13 – 15 ambasadorë”, shkruajnë mediat kosovare me burime brenda ministrisë, përcjell Albinfo.ch.

Ndërkohë nga Ministria e Punëve të Jashtme thonë se ministrja Gërvalla do të deklarohet më hollësisht rreth kësaj çështjeje.

“Në përputhje me ligjin, Ministria e Punëve të Jashtme dhe Diasporës (MPJD) ka përcjellë gjatë kësaj jave te Presidentja e Republikës së Kosovës propozimin për lirim nga detyra dhe tërheqje nga misioni diplomatik për të gjithë ambasadorët e Republikës së Kosovës, të emëruar politikisht, duke i falënderuar për punën dhe angazhimin e deritanishëm. Lidhur me këtë ministrja Gërvalla do të deklarohet më hollësisht gjatë ditës së nesërme”, thuhet në një përgjigje të MPJD-së.

 

 

---