Gjermani: 18.5 miliardë euro suficit

Ky vend në gjysmën e parë të këtij viti ka arritur një suficit buxhetor për më shumë se 18.5 miliardë euro, ose 1.2 për qind të PBB-së të Gjermanisë.

Konjuktura e qëndrueshme, gjendja e mirë e tregut të punës si dhe reduktimet në shpenzimet e interesit kanë ndikuar në shtetin gjerman për të tretin vit radhazi për të realizuar një suficit buxhetor. Federata, provincat dhe komunat, si dhe sigurimet shoqërore, në gjashtë muajt e parë të këtij viti kanë regjistruar suficitin historikisht më të lartë që prej bashkimit të vendit. Ajo ishte 18.7 miliardë, e cila është 1.2 për qind e produktit të brendshëm bruto (PBB).

Sipas vlerësimit të Zyrës Federale të Statistikave, „buxheti” ka përfituar nga zhvillimi i favorshëm i tregut të punës dhe zhvillimit të mirë ekonomik.”GDP në tremujorin e dytë të vitit 2016 u rrit 0.4 për qind, kryesisht për shkak të konsumit dhe eksporteve. Në fillim të këtij viti ka pasur një rritje prej 0.7 për qind.

Banka e Gjermanisë konsideron se pavarësisht nga pasiguria e shkaktuar nga referendumi në Britani për të dalë jashtë BE-së, dhe në tremujorin e verës mund të konsiderohet si një rritje e ndjeshme e PBB-së.

Ekonomistët kanë rekomanduar që shteti të investojë më shumë.

“Teprica e konsiderueshme në buxhetin e shtetit lë hapësirë për rritjen e investimeve të qeverisë, për shembull”, thotë ekonomisti kryesor në Nordea Bank, Holger Sante.

Një rritje e madhe në shpenzime është regjistruar në aspektin e shpenzimeve për azilkërkuesit dhe personat që kanë nevojë për mbrojtje.