Gjermani: Arrestohet predikuesi salafist Abdul Alim Hamza, pritet të debohet në Kosovë

(KEYSTONE/imageBROKER/Rupert Oberhäuser)

Sipas raportimeve të mediave gjermane, është arrestuar predikuesi salafist Abdul Alim Hamza. Ai është në paraburgim dhe pritet të dëbohet në Kosovë.

Pas sulmit  në Solingen dhe tentativës për sulm në Mynih, qeveria gjermane ka njoftuar se do të marrë veprime më të ashpra. Sipas raportimeve të mediave, Abdul Alim Hamza, i njohur si predikues i rrezikshëm i islamit, është marrë në paraburgim në pritje të dëbimit, transmeton albinfo.at.

34-vjeçari, një predikues salafist, thuhet se ka kontakte me radikalët islamikë.

Sipas një raportimi të “Bild”, Abdul Alim Hamza u arrestua të martën në Bon.

Shtetasi kosovar me emrin e luftës Abdul Alim Hamza, në fakt quhet Leonis Hamza. Atij i pëlqen të ketë foto në rrjetet sociale me personazhe të të quajtur si të rrezikshëm, Arafat Abou-Chaker. Sipas gazetës gjermane Bild, ai është i lindur më 1990 në Pejë dhe jetonte në Bon, përcjell albinfo.at.

Që nga janari 2022 thuhet se ai ka përhapur informata tendecioze islamike dhe për këtë ka qenë nën vezhgimin e autoriteteve gjermane.

Në qytetin perëndimor gjerman të Bonit, Abdul Alim Hamza ishte imam në një xhami që agjencia e sigurimit e konsideron si një “vend takimi salafist”. Ai ka kontakte me selafistët e njohur, si: Ibrahim El-Azzazi, Abu Dunja dhe Pierre Vogel.

Sipas Zyrës Federale për Mbrojtjen e Kushtetutës, Pierre Vogel, alias Abu Hamza, ka qenë “një nga aktorët më të rritur salafistë në Gjermani për 15 vjet”. Vogel thuhet se ka luajtur indirekt një rol kyç në sulmin e nxitur në koncertin e Taylor Swift në Vjenë, sepse i dyshuari për terrorizëm Beran A., gjithashtu sipas mediave gjermane, është radikalizuar nga përmbajtja e Vogel.

Akuza është drejtuar kundër tij, si shkelje e rendit demokratik, me dhjetë faqe tekst dhe për këtë ia mundësojnë autoritetet që të fluturojë për në Kosovë me ndalesë për shtetetet Shëngen.