Gjermani: Kapen dy shqiptarë me pasaporta diplomatike false

Dy shqiptarë u përpoqën të paraqiteshin si diplomatë para oficerëve të policisë kufitare gjermane. Policia tani po i heton ata për falsifikim dokumentesh

Dy burra u përpoqën të paraqiteshin si diplomatë para oficerëve të policisë kufitare. Sipas policisë kufitare të Raublingut, hetuesit nga policia kufitare e Kreuthit kanë kontrolluar një Mercedes me regjistrim italian në stacionin e benzinës në Weyarn të mërkurën në mbrëmje rreth orës 21:00, trasnmeton albinfo.ch.

Në automjet ndodheshin tre burra të cilët u identifikuan me pasaporta shqiptare dhe me leje qëndrimi italiane. Shoferi 44-vjeçar dhe një pasagjer 50-vjeçar paraqitën gjithashtu pasaporta diplomatike, shkruan merkur.de. Por, siç u konstatua më tej, këto ishin falsifikime totale. Gjatë kontrollit, oficerët gjetën dhjetë dokumente të tjera të falsifikuara në automjet.

Personat në fjalë kishin me vete edhe kartën bankare të një personi tjetër, të cilën, sipas tyre, e kishin gjetur.

Policia kufitare ua sekuestroi dokumentet e falsifikuara dhe kartën bankare, përcjell albinfo.ch. Të dy të dyshuarit janë paditur për falsifikim. Pasi u kryen masat policore, ata u liruan.

---