Lajme
Gjermani: Rritet ndjeshëm numri i duhanpirësve

Numri i duhanpirësve të rëndë dhe personave të varur nga nikotina në Gjermani është rritur me gati 50 përqind gjatë dhjetë viteve të fundit, sipas një raporti të publikuar nga kompania e sigurimeve shëndetësore Kaufmännische Krankenkasse (KKH), shkruan The Local, transmeton albinfo.ch.
Të dhënat tregojnë një rritje prej 47.5 përqind të personave të klasifikuar si duhanpirës të rëndë ose të varur nga duhani. Nga 1.66 milion anëtarë të siguruar në KKH, afro 118,000 janë identifikuar si duhanpirës të rëndë – një shifër që reflekton një trend shqetësues në shëndetin publik të vendit.
Më shqetësuese është lidhja e fortë mes duhanpirjes dhe sëmundjeve kronike. Në vitin 2023, 22.8 përqind e duhanpirësve të rëndë vuajtën gjithashtu nga sëmundja kronike obstruktive pulmonare (SPOK), një rritje krahasuar me 19.5 përqind një dekadë më parë. SPOK është një nga shkaktarët kryesorë të vdekjeve në botë dhe lidhet ngushtë me përdorimin e zgjatur të duhanit, transmeton albinfo.ch.
Sipas vlerësimeve të KKH, rreth gjashtë milion njerëz në Gjermani kanë marrë trajtim për varësinë nga duhani ose për simptomat e abstinencës gjatë vitit të kaluar.
Ekspertët paralajmërojnë se rritja e duhanpirjes, veçanërisht në mesin e të rinjve dhe përdoruesve të produkteve të reja të duhanit si cigaret elektronike, paraqet një sfidë serioze për sistemin shëndetësor. Ata bëjnë thirrje për masa më të forta parandaluese, edukim publik dhe qasje më të lehtë në programet për lënien e duhanit, transmeton albinfo.ch.
Të tjera nga Lajme
E-Diaspora
-
Një vit të mbarë shkollor në gjuhën shqipe! Janë me dhjetëra e qindra ata që ecin me krenari në gjurmët e prindërve të tyre,...
-
Romani “ë” i autores Jehonë Kicaj nominohet për Çmimin Gjerman të Librit 2025
-
Kompania e autobusit të aksidentuar: Vetëm tre persona të lënduar në Gjermani
-
Po afron gala e pestë e çmimeve swissalbs Award Gala Night 2025
-
Zvicra pret Kosovën në Bazel më 5 shtator 2025
Jeta në Zvicër
-
Moti në Zvicër: Pas valës së të nxehtit, shira të bollshëm Ndryshimi nga i nxehti dhe i thatë në më të freskët dhe të lagësht ishte mjaft...
-
Kantoni zviceran nuk gjen asnjë shenjë të viruseve tropikale te mushkonjat
-
Një kredi prej 20 milionë eurosh për ata që duan të largohen nga Brienz
-
Lajm i keq për pronarët e makinave elektrike në Zvicër
-
Deficiti i fondit të pensioneve të Zvicrës ka të ngjarë të jetë më i vogël se sa pritej