Gjermania dhe Austria përshëndesin votimin e Kuvendit të Maqedonisë

Kancelari austriak Kurz dhe ministri gjerman Roth kanë përshëndetur votën pro të 80 deputetëve.

Kancelari austriak Sebastian Kurz i cili erdhi në shtator në Maqedoninë Veriore për të bindur qytetarët që të dalin në votime, ka përshëndetur votimin e djeshëm në kuvend për ndryshimet kushtetuese.

“Ajo jep një erë të fortë në anën e përpjekjeve për fillimin e bisedimeve me Maqedoninë e Veriut gjatë vitit të ardhshëm”, thotë Kurc, duke e quajtur tashmë vendin me emrin e ri, shkruan albinfo.ch.

Ai ka theksuar se afrimi i vendeve të Ballkanit Perëndimor drejt BE-së është prioritet i rëndësishëm i udhëheqësisë austriake dhe shtoi se pasi që këto vende të bëhen anëtare të BE-së, Unioni do të jetë i plotë.

Ministri shtetëror për Evropë në Ministrinë e Punëve të Jashtme të Gjermanisë, Mihael Roth, gjithashtu ka përshëndetur votimin dhe ka përgëzuar kryeministrin Zoran Zaev.

“Lajme të mrekullueshme. Shtetësia përpara lojërave partiake! Kuvendi i Maqedonisë me dy të tretat ka votuar për Marrëveshjen e Prespës. Hap i madh përpara drejt BE-së dhe NATO-s. Përgëzime deri te Zoran Zaev, Nikolla Dimitrov, Bujar Osmani dhe të gjithë miqtë nga Maqedonia”, shkruajti Roth.

---