Gjermania do të dëbojë 26.500 azilkërkues gjatë këtij viti

Refugjatët dhe migrantët tjerë ilegalë nga Shqipëria, Kosova, Serbia, Maqedonia, Bosnja e Hercegovina dhe Mali i Zi, të dëbuar deri në fund të shtatorit përbëjnë numrin më të madh të të dëbuarve , gjegjësisht 14 mijë e 528 sish ose tri të katërtat e të gjithëve

Gjermania ka marrë vendim që të dëbojë rreth 26.500 veta gjatë këtij viti, të cilëve iu është refuzuar kërkesa për azil.

Sipas raportit, numri i dëbimeve për këtë vit do të arrijë shifrën më të lartë që nga viti 2003. Refugjatët dhe migrantët tjerë ilegalë nga Shqipëria, Kosova, Serbia, Maqedonia, Bosnja e Hercegovina dhe Mali i Zi, të dëbuar deri në fund të shtatorit përbëjnë numrin më të madh të të dëbuarve , gjegjësisht 14 mijë e 528 sish ose tri të katërtat e të gjithëve.

Gazeta gjermane “Rheinische Post”, shkruan se vitin e shkuar janë dëbuar nga vendi 20,888 persona, ndërsa për vitin 2016 deri në shtator, numri i dëbimeve ka arritur në 19,914 personave, përcjell “heute.at”, njofton “albinfo.ch”.

Një tjetër shqetësim i policisë federale gjermane janë edhe qytetarët turq, numri i kërkesave për azil të të cilëve po  rritet.