Gjermania hap “me kusht” kufirin me Zvicrën më 15 maj

Ndonëse kufijtë hapen, kontrollet në kufijtë me Zvicrën, Francën dhe Austrinë do të vazhdojnë deri më 15 qershor

Ministri i Brendshëm gjerman, Horst Seehofer ka deklaruar sot: Kufiri me Zvicrën do të hapet nga e shtuna – por kontrollet do të vazhdojnë.

Horst Seehofer ka njoftuar se kufijtë me Francën, Austrinë dhe Zvicrën do të hapen në mesnatën e 15 majit, shkruan srf.ch.

Kontrollet në kufijtë me Zvicrën, Francën dhe Austrinë do të vazhdojnë deri më 15 qershor, transmeton albinfo.ch. Vetëm në kufirin me Luksemburgun, kontrollet mbarojnë gjatë më 15 maj.

Në kufirin gjermano-danez, Gjermania është gjithashtu e gatshme të ndalojë kontrollet “sa më shpejt që qeveria daneze të ketë kryer konsultimet e vazhdueshme me vendet e saj fqinje”.

Sipas Ministrisë së Brendshme, lehtësimi është rezultat i zhvillimit pozitiv sa u përket infeksioneve . Por, ka shtuar ai. nëse numri i infeksioneve të reja në rajonet fqinje rritet ndjeshëm, kufijtë do të kontrollohen më intensivisht.

Sipas Ministrisë, karantina 14-ditore për të gjithë ata që vijnë në Gjermani, e cila është urdhëruar nga shtetet federale gjermane, në të ardhmen duhet të aplikohet vetëm për njerëzit që kanë qenë më parë në vendet e treta, përcjell albinfo.ch. Vendimi për karantinën varet nga krerët e qeverive të shteteve federale.

---