Gjermania ka regjistruar më shumë se 50 mijë raste me Covid, brenda një dite

(KEYSTONE/Alessandro della Valle)

Referuar të dhënave të fundit nga Institutit Robert Koch, vendi ka regjistuar 50,196 raste shtesë në 24 orët e fundit dhe 235 viktima, përcjell albinfo.ch.

Gjermania është në mesin e një numri vendesh evropiane që po përballet me rritje të reja të rasteve dhe ka regjistruar rekord të infeksioneve gjatë ditëve të fundit.

Kancelarja në largim, Angela Merkel, i quajti “dramatike” rritjet e rasteve në vend, të cilat janë veçanërisht të dukshme që nga tetori.

“Pandemia edhe një herë po përhapet në mënyrë dramatike”, tha zëdhënësi i saj, duke bërë thirrje për autoritetet lokale shëndetësore të marrin masa shtesë për të frenuar situatën.