Gjermania, masa shtesë për dëbimin më të shpejtë të emigrantëve

Nën masat e miratuara, autoritetet gjermane në të ardhmen do të kenë të drejtë të inspektojnë telefonat celularë të azilkërkuesve të sapoardhur, të cilët mund të mbahen më gjatë në qendrat e dëbimit

Qeveria gjermane ka miratuar një paketë masash që duhen të përshpejtojnë dhe të thjeshtojnë procesin e dëbimit të azilkërkuesve të refuzuar dhe për të lehtësuar procesin e përcaktimit të statusit të emigrantëve.

Nën masat e miratuara, autoritetet gjermane në të ardhmen do të kenë të drejtë të inspektojnë telefonat celularë të azilkërkuesve të sapoardhur, të cilët mund të mbahen më gjatë në qendrat e dëbimit.

Shërbimet e sigurimit tani më lehtë mund të fillojnë një procedurë për ndjekjen dhe monitorimin e kërkuesve të azilit të dyshuar dhe aplikantët e refuzuar që do të deportohen direkt nga qendrat e strehimit pa pasur një shans për të lëvizur nëpër Gjermani.
Këtë veprim nga qeveria gjermane në fundjavë e ka bërë publik kreu i kabinetit të kancelares Angela Merkel, Peter Altmajer, i cili njoftoi numrin rekord të kërkuesve të dëbuar të azilit në vitin 2017, shkruan albinfo.ch.

Pakoja e re e masave për deportimin e azilkërkuesve të refuzuar nga organizatat joqeveritare është quajtur “brutalitet në procesit deportimit”. Ato publikisht kanë kundërshtuar dëbimin e refugjatëve në të ashtuqujaturat “shtete të pasigurta”, të tilla si Afganistani, ku në ditët e fundit janë deportuar qindra emigrantë.

Kundër planit është partia e majtë, sipas të cilës, inspektimi i telefonave celularë është cenim i intimitetit.