Gjermania në linjë me SHBA-në sa i përket figurës së Sali Berishës

Raportuesi gjerman për Ballkanin Perëndimor nga radhët e CDU-së, Peter Beyer, ka rikonfirmuar qëndrimin gjerman, i cili, sipas tij, është në një linjë me atë amerikan sa i përket figurës së kryetarit aktual të PD-së në Shqipëri, Sali Berisha.

Në përfundim të vizitës në Tiranë, Beyer tha se në qendër të vizitës së tij në Shqipëri ka qenë për të mësuar më shumë mbi gjendjen e krizës në PD.

“Nuk ka asnjë dallim në qëndrimet tona. Do të ishte e vështirë që të bashkëpunonim me një person që është i shpallur non grata. Për mua nuk janë personat shumë të rëndësishëm. Ne si CDU kemi interes të kemi një PD të fortë. PD është partia opozitare, ka një përgjegjësi të madhe për të bërë opozitën në Parlament. Kjo duhet të realizohet nga PD që ka përfaqësues të popullit. Më interesojnë pak figurat e veçanta. Më shumë më intereson forcimi i partisë. Ky është qëndrimi ynë si CDU/CSU”, tha Beyer, transmeton Albinfo.ch.