Gjermania synon të ndërtojë 1 milion pika mbushëse për vetura elektrike

Rreth 6.3 miliardë euro do të përdoren për të përshpejtuar zhvillimin e infrastrukturës së veturave elektrike

Qeveria gjermane njoftoi se po planifikon të përshpejtojë zgjerimin e rrjetit të pikave të mbushjes për veturat elektrike.

Berlini synon të ndërtojë 1 milion pika mbushje të aksesueshme nga qytetarët në Gjermani në vitin 2030. Deri më tani, janë rreth 70 000 pika, të cilat janë jetike për të ndihmuar pronarët e veturave elektrike të bëjnë udhëtime më të gjata që shpesh kanë një rreze veprimi të kufizuar.

Rreth 6.3 miliardë euro (6.16 miliardë dollarë) do të përdoren për të përshpejtuar zhvillimin e infrastrukturës së veturave elektrike, shkruan ATSH, përcjell albinfo.ch.

“Ne nuk kemi kohë për të humbur”, tha Wissing.

“Lëvizshmëria elektronike do të pranohet vetëm nëse mbushja është po aq e lehtë sa mbushja me karburant dhe zonat rurale nuk duhet të lihen pas”, shtoi ai.

“Industria gjermane e makinave synon të bëhet gjithashtu një qendër kryesore për automjetet elektrike dhe infrastrukturën”, tha ai.

“Ndërtimi i pikave të mbushjes në zonat e banuara ose në pikat e karburanteve duhet të përshpejtohet, si pjese e një plani të rënë dakord mes industrisë dhe shteteve federale dhe bashkive”, theksoi ai.

---