Gjermania uron qeverinë e re të Kosovës, zotohet për vazhdim të mbështetjes

screenshot

Ambasada e Gjermanisë në Kosovë ka uruar qeverinë e re të vendit, në krye me Albin Kurtin.

Në një deklaratë në faqen e saj në Facebook, kjo ambasadë thotë se, si partner jetëgjatë i institucioneve të Kosovës, pret me padurim të vazhdojë bashkëpunimin, mbështetjen për sundimin e ligjit në Kosovë dhe zhvillimin ekonomik të vendit.

“Inkurajojmë qeverinë e re të nisë së implementuari agjendën e saj ambicioze të reformave për këtë vend dhe të rinisë dialogun me Serbinë në një proces negociatash të mirëstrukturuar, të lehtësuar nga BE-ja”, ka thënë kjo ambasadë.

Në fund, Ambasada gjermane në Kosovë thotë se Gjermania është e gatshme të mbështesë qeverinë e Kosovës dhe popullin e saj në të gjitha proceset qenësore, përcjell Albinfo.ch.