“Roche” raportoi fitime të larta

Covid i sjell fitime të mëdha gjigantit farmaceutik Roche të Zvicrës

Gjigandi farmaceutik zviceran Roche, i cili ka qenë në ballë të prodhimit të testeve të koronavirusit dhe hulumtimit të trajtimeve, të enjten raportoi fitime më të larta për vitin 2020, transmeton albinfo.ch.

Fitimi vjetor neto u rrit 7.0 për qind në 15 miliardë franga zvicerane (13.9 miliardë euro, 16.6 miliardë dollarë), me gjithë efektet negative të kurseve të këmbimit dhe një rënie të shitjeve pa recetë, tha ajo në një deklaratë.

Shitjet ishin poshtë 5.0 për qind në përgjithësi nga një vit më parë, në 58.3 miliardë franga zvicerane. Analistët e anketuar nga agjencia zvicerane AWP kishin parashikuar shitje prej 59.7 miliardë franga zvicerane, transmeton tutje albinfo.ch.

Të ardhurat nga sektori i saj i diagnostikimit u rritën për 14 për qind, kryesisht për shkak të shitjeve të testeve të saj Covid-19, të cilat kompensojnë një rënie në teste të tjera të tilla si ato për diabetin.

“Roche vazhdon të japë kontribute të rëndësishme për të luftuar pandeminë Covid-19”, tha CEO në deklaratë Severin Schwan.

“Ne zhvilluam në një kohë rekord një portofol gjithëpërfshirës të zgjidhjeve diagnostikuese dhe hymë në partneritete të reja për të zhvilluar dhe prodhuar ilaçe efektive Covid-19”.

Për vitin aktual, Roche parashikoi që shitjet do të rriteshin “në kufijtë e shifrave të ulëta deri në mes të një shifre të vetme” me kurset e këmbimit konstant.

 

 

---