Gjuan me revole në dasmë, njëri pëson tronditje në shqisat e dëgjimit

Një dasmor ka pësuar tronditje në shqisat e dëgjimit me ç’rast ka kërkuar ndihmë mjekësore në Urgjencën e Shtëpisë së Shëndetit në Suharekë

Policia në Suharekë ka arrestuar një të dyshuar me mbiemrin Kadriaj, pasi ka shkrepur disa fishekë në ajër me pistoletë në ambientet e restouarantit “Pikon” në Shirokë të Suharekës.

Sipas Policisë së Prizrenit, një dasmor ka pësuar tronditje në shqisat e dëgjimit me ç’rast ka kërkuar ndihmë mjekësore në Urgjencën e Shtëpisë së Shëndetit në Suharekë, përcjell albinfo.

Ai më pas është dërguar në Spitalin Rajonal në Prizren për trajtim të specializuar.

Gjatë hetimit të rastit, policia e ka sekuestruar një pistoletë me gaz të llojit “Ekol Jacal Dual” e kalibrit 9 mm. Pas intervistës, në konsultim me prokurorin e shtetit është vendosur që i dyshuari të ndalet nën masën e arrestit policor.