Gjyshi 92 vjeçar, pirat humanitar filmash!

Thotë se ndjehet mirë që ushtarët gjatë pauzave në mes të luftimeve kanë mundësi të shikojnë një film të mirë dhe të heqin mendjen nga lufta

Hyman Strachman është me siguri njeriu më i moqëm që piraton (shumëzon ilegalisht) filmat e Hollivudit. Dhe, këtë, amerikani 92 vjeçar nuk e bën për përfitime personale. Është e kundërta: ai filmat që i kopjon vetë ilegalisht nëpër dvd ua dërgon ushtarëve amerikanë në Irak ose në Afganistan, pa pagesë.

Thotë se ndjehet mirë që ushtarët gjatë pauzave në mes të luftimeve kanë mundësi të shikojnë një film të mirë dhe të heqin mendjen nga lufta. Këtë veorim ai e bën duke filluar nga viti 2004.

Në fillim ka pasur vetëm një kompjuter të thjeshtë ndërsa së fundi ka blerë edhe një shumëzues me të cilin ia del të shumëzojë disa qindra kopje në ditë. Vetë Strachmann betohet se nuk e mban asnjë kopje për vete. Edhe masterin, zakonisht e asgjëson, shkruan “New York Times”.

Atë e bëjnë të lumtur dhe krenar e-mailat dhe letrat me falënderime që merr çdo ditë nga ushtarët.

Mosha e tij e shtyrë dhe fakti se filmat e kopjuar i përdor për një qëllim human, ka bërë që Hollivudi të mos ngre ndonjë padi kundër tij.

Tërheqja e pritshme e ushtrisë amerikane nga Afganistani dhe Iraku, do t`i japë fund edhe “biznesit” të plakut. Por kjo nuk e mërzit plakun, veteran të Luftës së Dytë Botërore. Përkundrazi: “Mua më gëzon fakti se ushtarët ktehehn në shtëpi”.