Google: Njerëzit të gatshëm për ndihmë për njëri-tjetrin

Gjiganti i kërkimeve, Google, ka treguar se njerëzit kanë qenë të interesuar shumë që të ndihmojë të tjerët në vitin 2017.

Këtë gjë Google e ka bazuar në kërkimet që kanë bërë njerëzit më së shumti sivjet.

Në SHBA, njerëzit më së shumti kishin kërkuar informata për Uraganin Irma dhe uraganët tjerë si dhe përfshirë sulmet terroriste që ndodhën në gjithë botën, si dhe për ndihmë ndaj refugjatëve, transmeton Albinfo.ch.

“Si” vazhdon të jetë pyetja kryesore që njerëzit i bëjnë Googleit për të marrë informata për çështjet që atyre ju interesojnë.

Kompania zbuloi po ashtu se njerëzve ju kanë interesuar iPhone 8 dhe iPhone X. Monedha digjitale “Bitcoin” mbeti ndër më të kërkuarat.

Sa i përket yjeve, më së shumti u kërkua Harvey Weinstein, i akuzuar për sulme seksuale, ndërsa kërkime të mëdha u bënë edhe për Kevin Spacey e Bill O’Reilly.

Meghan Markle, aktorja që pritet të bëhet princeshë e Britanisë së Madhe ishte ndër yjet më të kërkuara po ashtu.

Tom Petty e Chester Bennington e ndeshja e boksit mes Mayweaterhit dhe McGregorit ishin ndër emrat më të kërkuar sivjet.