Gowing promovon kulinarinë shqiptare në prestigjiozen britanike “Indipendent”

Reportazhi është i shkruar për gazetën “Indipendent” nga shkrimtarja britanike, Elisabeth Gowing, e cila prej disa vitesh jeton në Kosovë, eksploron zonat turistike të pjesës veriore të Shqipërisë

Gazeta prestigjioze britanike “Indipendent” e ka botuar një reportazh nga viset shqiptare me titull “Bukë e kripë e zemër të bardhë”, përmes të cilit promovohet turizmi shqiptar, veçanërisht kulinaria.

Reportazhi është i shkruar nga shkrimtarja britanike, Elisabeth Gowing, e cila prej disa vitesh jeton në Kosovë, eksploron zonat turistike të  pjesës veriore të  Shqipërisë, duke hulumtuar aktivitetin e një shoqate hotelierësh shqiptarë me emërtimin “Slow food”. Lëvizja “Slow food” ka për mision të mbështes prodhuesit e vegjël, prodhimin vendas dhe fermerin dhe kësaj iniciative i janë bashkuar një numër i madh i pronarëve të bizneseve turistike dhe fermerë të ndryshëm të zonës së Shkodres, Fishtës dhe Lezhës.

“Është diçka shumë pozitive që Shqipëria po e mbështetë këtë lëvizje ‘slow food’ e cila nisi në Fishtë të Lezhës. Është pozitive për shëndetin, por edhe për ekonominë e vendit.

Megjithëse kanë kaluar katër vite qëkurse në Shqipëri është themeluar për herë të parë “Convivium Slow Food” nga Altin Prenga, sërish ka problem në gjetjen e produkteve vendas.

“Të punosh me filozofinë e ‘slow food’ është si kamikaz sepse duhet të rrezikosh shumë. Është më e lehtë të marrësh një prodhim që vjen nga vendet nordike për shembull sesa të gjesh një shegë që është e vendit”, vijoi Kola.

Nëpërmjet kësaj lëvizjeje këta shefa këmbëngulin të kthejmë sytë nga vlerat e kuzhinës shqiptare.

“Jufkat e kanë origjinën më të largët sesa shpagetat. Në qoftë se ne e kemi këtë realitet të hidhur që kuzhina shqiptare nuk është e modernizuar dhe të shikojmë nga kuzhina italiane, atëherë jemi të papërgjegjshëm”, u shpreh Kola.

“Bukë, kripë dhe zemër të bardhë” shkruan “Independent”, duke u futur në palcën e traditës shqiptare, por sidomos duke rritur përgjegjësinë e njerëzve të kuzhinës.