Granit Xhaka dhe Albian Ajeti mysafirë të veçantë në ndeshjen e FC Dardanisë

Një ditë pas ndeshjes mes Zvicrës dhe Kosovës, e cila përfundoi me fitoren bindëse të helvetikëve 4:0, FC Dardania pati kënaqësinë të mirëpresë një mysafir të veçantë: kapitenin e kombëtares zvicerane, Granit Xhaka.

Xhaka ndoqi nga afër ndeshjen e klubit, ku në rolin e trajnerit është vëllai i tij, Taulant Xhaka. Atmosfera në stadium ishte e mrekullueshme, me shumë tifozë të pranishëm, të cilët patën mundësinë të bëjnë fotografi dhe të marrin autografe nga Graniti.

Surpriza nuk përfundoi me kaq: edhe futbollisti i FC Basel, Albian Ajeti, nderoi klubin me praninë e tij, duke u pritur me shumë dashuri dhe respekt nga të gjithë të pranishmit.

Kryesia e klubit shpreh mirënjohjen e sinqertë për Granit Xhakën dhe Albian Ajetin për kohën e tyre dhe respektin e treguar ndaj klubit dhe tifozëve tanë.