Greqi: Kapet shqiptari që u arratis nga burgu dhe kreu 9 grabitje

Shqiptari, 31-vjeçar, i cilësuar si i rrezikshëm në Greqi, që kohë më parë u arratis nga burgu dhe kreu 9 grabitje me armë, tani më është kapur nga forcat policore greke

Informacionet e fundit nga Greqia tregojnë se është kapur një shqiptar i rrezikshëm nga forcat policore greke. Sipas mediave greke, thuhet se shqiptari, 31-vjeçar, ishte arratisur nga burgu, ku vuante dënimin me 15 vjet burgim për grabitje me armë, vjedhje, armëmbajtje pa leje dhe plagosje të rëndë më 3 dhjetor 2019. Mësohet se ai kishte marrë leje dhe nuk ishte kthyer më, përcjell albinfo.ch.

Gjithashtu, tregohet se pasi kishte ikur nga burgu, prej fillimit të këtij viti, dyshohet se ka kryer në mënyrë sistematike grabitje me armë në hotele të ndryshme në Athinë. Ai paraqitej si klient fillimisht dhe pastaj me një pistoletë kryente grabitje. Deri tani janë vërtetuar 9 raste grabitjesh. Gjatë kontrollit iu sekuestrua një pistoletë nga policia greke.

---